Azpeitiko I. Padel Txapelketa herrikoia uztailaren 13tik 29ra jokatuko da, Garmendipeko kirolguneko kantxetan. Txapelketak iraungo duen denboran egunero jokatuko dituzte partidak: astelehenetik ostiralera 18:00etan eta 19:30ean, zapatuetan 10:00etan, 11:30ean, 16:00etan eta 17:30ean, eta igandeetan 10:00etan eta 11:30ean.
Txapelketa gizonezko zein emakumezkoentzat irekia da eta parte hartu nahi duten bikoteek hilaren 10erako eman behar dute izena kiroldegian (943 813069 da hango telefono zenbakia). Kirol Patronatuko bazkide direnentzako izen-ematea merkeagoa da, 10 euro pertsonako; bazkide ez direnek 15 euro ordaindu beharko dute. Antolatzaileek gehienezko bikote kopuruak ezarri dituzte: gizonezkoetan gehienez 16 bikote onartuko dituzte, eta 8 emakumezkoetan. Gizon zein emakumeen lehietan finalera iristen diren bi bikoteek izango dute saria: txapeldunek lau afari irabaziko dituzte, eta bi afari txapeldunordeek.