Azpeitiko Udalak gaur, asteartea, Udalbatza Osoaren ezohiko bilkura egingo du, 19:00etan hasita, udaletxeko Areto Nagusian.
Gai-ordenaren arabera, honako puntuak landuko dituzte:
1.- Udalbatzak 2012ko ekainaren 5ean egindako bilkuraren akta onartzea (maiatzeko akta iraileko bilkuran aurkeztuko da).
2.- Azpeitiko Hiri Antolamenduaren Plangintza Orokorrari hasierako onarpena ematea.
3.- Azpeitiko Hiri Antolamenduaren Plangintza Orokorraren baitan, Iturzulo-Esklabak azpieremua garatzeko helburua duen Hirigintza Hitzarmenari hasierako onarpena ematea.
4.- Udal Etxebizitza tasatuak esleitzeko prozedurari hasiera ematea. Oinarrien onarpena eta deialdiaren hasiera.
5.- 2012ko aurrekontuan bigarren kreditu aldaketa onartzea.
6.- 2011ko Azpeitiko Udalaren (autonomiadun erakundeak eta Azpeitia Lantzen SA) kontu orokorra onartzea.
7.- Corrugados Azpeitira doan adarrean linea elektrikoa aldatzeko proiektuaren Ingurumen Inpaktuaren Azterlana.
8.- Azpeitiko Udalak 2008tik 2011rako Euskararen Plan Nagusiaren luzapena 2012. urtera arte.
9.- Tokian tokiko jaieguna 2013. ekitaldirako.
10.- LGTBQ kolektiboaren Nazioarteko Egunaren baitan askatasun sexualaren aldeko deklarazioa onartzea.