Saltoki txikiek on-line salmenta estrategiak martxan jartzeko diru-laguntza programa jarri du abian Eusko Jaurlaritzak. Saltokien kudeaketa prozesuak merkataritza elektronikorantz bideratzea du helburu laguntzak. Irailaren 7an bukatuko da diru-laguntza eskatzeko epea, aurrekontua ez bada lehenago amaitzen.
E-commerce txekea jarri du parte-hartzaile guztien eskura: hornitzaile homologatuari egindako ordainketa sinbolizatzen duen formatua da, eta negozioak berak aukeratzen du zein izango den programa horiek martxan jarriko dizkion hornitzailea.
Hornitzailearen zerbitzuak emango ditu: "Diagnostikoa egitea jakiteko zein egoeratan dagoen saltokia merkataritza elektronikoaren arloan, saltokia eraldatzeko gomendioak (estrategia) eta estrategian jasotako lehentasunezko ekintzak ezartzea.
Eskaera bat bakarrik
Hiru modalitatetan banatu dute zerbitzua: "Txeke baten zerbitzua: 1.000 euro; bi txekeren zerbitzua: 2.000 euro; eta hiru txekeren balioa: 3.000 euro". Saltoki bakoitzak behin bakarrik eskatu ahalko du e-commerce txekea, modalitateetako batean.
Programak emandako zerbitzuaren %90 finantzatuko duela ere jakinarazi due, eta saltokiak gainerako %10a eta zerbitzu osoaren BEZa ordaindu beharko ditu. Programari atxikitako eta SPRI-ren (Eraldaketa Lehiakorrerako Sozietatea) webgunean dauden bitarteko eragileek lagunduko diete saltokiei laguntzak tramitatzen.
Informazio gehiagorako SPRI-ra (943 70 21 42) edo Iraurgi Lantzenera deitu behar da (943 85 11 00).