Udaltzaingoak jakinarazi duenez, 21 urteko azpeitiar eskalatzaile bat zauritu da Xoxoteko kanteran gaur, osteguna, eguerdian. 10 bat metrotik erori eta hanka hautsi duela esan dute. Buruan kolpea hartu du erorikoaren ondorioz. Ertzaintzaren helikopteroa joan da eskalatzailea artatzera eta Donostiako ospitalera eraman dute. Suhiltzaileak ere bertaratu dira gertakariaren lekura.