Izarraitz Igeri Elkartea ere prest da ikasturte berriari ekiteko. Hain zuzen ere, irailaren 10ean, datorren astelehenean, hasiko dituzte entrenamenduak udal igerilekuan, "ohiko ordutegiarekin", elkartetik jakinarazi dutenez.
Berrikuntza gisa, lehiaketetan parte hartu gabe baina igeriketan sakondu nahi duten 12 urtetik gorakoentzako saioak egiteko aukera eskainiko dute. 19:00etatik 20:00etara egingo dituzte aipatutako saioak, egunero. Izena eman nahi dutenek igerilekura gerturatu behar dute.