Baigera herriko erretiratuen elkartea hainbat ikastaro ari da prestatzen ikasturte honetarako. Erretiro Aktiboa deritzon proiektuaren barruan, gimnasia, yoga, josketa, puntua eta eskulan ikastaroak abian jarriko dituzte. Horiez gain, Azpeitiko erretiratu eta pentsiodunek areto dantzen ikastaroa ere aukeran izango dute, Jose Mari Orbegozo irakasle dutela.
Ikastaroen gaineko informazioa jasotzeko edota izena emateko, erretiratuen elkarteko bulegora joan behar da, astelehenetik ostiralera, 10:30etik 12:30era.
Asturiasen
Atzo, astelehena, hasi eta bost egunez, Baigerako hainbat bazkide Asturias aldean ibiliko dira, elkarteak antolatutako irteeran. Bi autobusetan joan dira azpeitiarrak Asturiasera eta, han, egunero izango dute txangoren bat egiteko parada.