Harriaren eta harrijasotzaileen azken ehun urtetako historiari aitortza egiteko jaialdia izango da zapatuan, hilak 20, Donostian. Harriarekin lotura izan duten hainbat lagun omenduko dituzte eta tartean, badira azpeitiarrak: Santos Iriarte Errekartetxo, Jesus Maria Oiartzabal Arantzeta eta Jose Antonio Lopetegi Agerre II. Aimar Irigoien errezildar harri-jasotzailea ere omenduko dute ekitaldian.
Harria 100 ekimenaren baitako ekitaldiak 11:00etan hasiko dira. Izan ere ordu horretan aurkeztuko dute Harria liburua, San Telmo museoan. Loburuaren egileak bertan izango dira. Gero, 12:30ean, herri kirola, musika, antzerkia eta dantza uztartzen dituen ikuskizun berritzailea aurkeztuko dute Victoria Eugenia antzokian. Oreka TX-ek, Kukai dantza konpainiak, Amaren Alabak taldeak eta hainbat herritako kirolariek hartuko dute parte bertan. Gainera, ekitaldiaren baitan, Aimar Irigoien harri-jasotzaileak errekor saiakera egingo du, Idoia Etxeberria eta Urdax Magunazelairekin batera.
Uztarriak 2002an egin zuen garai bateko azpeitiar herri kirolariekin erreportajea.