EkoBirako azoka joan den zapatuan egitekoa zen Azpeitian, baina eguraldi txarra iragarrita zegoela-eta, atzeratu egin zuten. Kutxa Ekoguneak bultzatutako azoka ibiltaria bihar, osteguna, egingo dute plazan, 10:30etik 14:30era eta 16:30etik 19:30era bitartean. "Kontsumo jasangarria" sustatzea da EkoBira azokaren helburuetako bat. Ekoizle ekologikoek, eskulangileek, material birziklatuekin lan egiten dutenek eta energia berriztagarrien sektoreko enpresek hartuko dute parte azokan.