Bezeroekin harremanetan dauden langileei zuzendutako ikastaroa antolatu du Iraurgi Lantzen eskualdeko garapen agentziaren Turismo sailak. Harrera adeitsua egiteko formulak + Komunikazio eraginkorraren ABDa: hitzezkoa eta ez hitzezkoa izena eman diote ikastaroari, eta merkataritzan, ostalaritzan edota turismoan aritzen diren langileentzat dago pentsatuta.
Azaroaren 14an emango dute, goizez (09:30etik 13:30era), Azkoitiko Insausti jauregian. Ikastaroaren gaineko informazio gehiago jaso edo izena eman nahi duenak, 943 851111 telefonora deitu dezake, edo turismo@iraurgilantzen.net helbide elektornikora idatzi.