2013rako zerga-agintarauen hasierako onarpena izango da azaroko Udalbatzarraren lan-zerrendako gaietako bat. Datorren urtean indarrean izango diren udal-zerga, tasa eta prezio publikoen nondik norakoak jorratuko dituzte, beraz, udal ordezkariek.
Bilkura bihar, asteartea, egingo dute udaletxeko areto nagusian, 19:20an hasita. 2007ko Arau Osagarrien Berrazterketaren gainean Espainiako Auzitegi Gorenak emandako epaia ere azalduko dute; eta Bilduk, EAJk eta Hamaikabatek giza-eskubideen defentsan izenpetu duten mozioa aurkeztuko dute..
Hona hemen Udalbatzarren lan-zerrenda, osorik:
- Udalbatza Osoak 2012ko irailaren 24an egindako bilkuraren akta onartzea.
- Azpeitiko Udalak 2007ko apirilaren 19an Udalbatzan Arau Osagarrien Berrazterketaren inguruan Auztegi Gorenak emandako epaia.
- 2013. ekitaldirako zerga-agintarauak onartzea hasierako izaeraz.
- 2012ko aurrekontuan 4. kreditu aldaketa.
- Taxi zerbitzurako 2013ko tarifak onartzea.
- Irisgarritasuna bermatzeko obra baimenei dagozkien Eraikuntza, Instalazio eta Lanen gaineko Zergaren kuotan hobaria ematea: Justo Aramendi Korta, Kontxi Juaristi Aranbarri, Isabel Albizu Gurrutxaga.
- Gizarte Zerbitzuak departamentuaren baitan, 3. mundurako proiektuak eta herriko elkarteak diruz laguntzeko oinarriak.
- Bildu, EAJ/PNV eta Hamaikabat udal-taldeek giza-eskubideen defentsan izenpetu duten mozioa onartzea.
- Emakumeen indarkeriaren aurkezko nazioarteko eguna: adierazpen instituzionala onartzea.
- Galdera eta erreguak.