Uztarria Komunikazio Taldeak hilaren 11n, igandea, Sanagustin kulturgunean izango den Sosegua kontzerturako sarrera bikoitz bat zozkatuko du bere bazkideen artean.
Garikoitz Mendizabal txistulariaren diskoaren kontzertua izango da, eta hainbat musikarik hartuko dute parte bertan: Garikoitz Mendizabal (txistua), Kepa Junkera (trikitia), Pello Ramirez (txeloa), Mariano Santamaria (pianoa), Oihane Igerabide (arpa), Xabier Zabala (soinua eta teklatuak) eta Iñaki Telleria (perkusioak). 20:00etan hasiko da emanaldia.
Kontzerturako sarrerak eskuratu nahi dituenak galdera honi erantzun behar dio: Nongoa da Garikoitz Mendizabal txistularia?
Erantzunak uztarria@uztarria.com helbidera bidali behar dira, parte hartzen duen bazkidearen izen-abizenak eta harremanetarako telefono zenbakia emanez. Ostirala, hilak 9, 10:00etan bukatuko da zozketan parte hartzeko epea.
Ostiralean bertan jakinaraziko ditu Uztarria Komunikazio Taldeak saridunaren izena, Uztarria.com-en. Sarrerak non eskuratu saridunari zuzenean adieraziko zaio; horregatik, ez ahaztu telefono zenbakia ere jartzea, harremanetarako.
Lehiaketa gehiago datozen hilabeteetan
Uztarria Komunikazio Taldeak gisa honetako lehiaketa gehiago egingo ditu datozen hilabeteetan, eta beraz, bizkor ibili eta egin zaitez Uztarriako bazkide! Horretarako klikatu hemen eta abantaila ugariz gozatu ahal izango duzu.