Uztarria Komunikazio Taldeak hilaren 11n, igandea, Sanagustin kulturgunean izango den Sosegua kontzerturako sarrera bikoitz bat zozkatuko du bere bazkideen artean, eta Juan Azpeitia Unanue da irabazlea.
Nongoa da Garikoitz Mendizabal txistularia? galderaren erantzuna Zestoakoa da. Lehiaketako galdera horri erantzuna emanez uztarria@uztarria.com helbidean jaso ditugun erantzun egoki guztien artean egin da zozketa
Garikoitz Mendizabal txistulariaren diskoaren kontzertua izango da, eta hainbat musikarik hartuko dute parte bertan: Garikoitz Mendizabal (txistua), Kepa Junkera (trikitia), Pello Ramirez (txeloa), Mariano Santamaria (pianoa), Oihane Igerabide (arpa), Xabier Zabala (soinua eta teklatuak) eta Iñaki Telleria (perkusioak). 20:00etan hasiko da emanaldia.
Lehiaketa gehiago datozen hilabeteetan
Uztarria Komunikazio Taldeak gisa honetako lehiaketa gehiago egingo ditu datozen hilabeteetan, eta beraz, bizkor ibili eta egin zaitez Uztarriako bazkide! Horretarako klikatu hemen eta abantaila ugariz gozatu ahal izango duzu.