Baigera elkarteak antolatutako Azpeitiko Jubilatuen Asteak egitarauaren erdia pasa bete du dagoeneko. Igandean bukatuko dituzte ospakizunak, Kiruri jatetxean egingo duten bazkariarekin. Gaur, osteguna, Aginagara eta Kutxaespaziora txangoa egin dute eta ostiralean, berriz, Meagasetik Zumaiara joango dira mendiz. Aurreko egunetan, besteak beste, karta-joko txapelketak izan dituzte Baigeraren egoitzetan. Atzo, asteazkena, Sanjuandegikoan erretiratu ugari elkartu zen, kartetan aritzeko ez ezik, txokolatadaz gozatzeko ere bai.