Kriskitiña dantza taldeak antolatuta, XVIII. Gazteen Dantza Txapelketa izan zen atzo, igandea, Hernanin. Sei pausoko bina pieza dantzatu zituzten 8 eta 15 urte bitarteko 16 bikotek. Azpeitiarrak izan ziren nagusi, lehenengo hiru sariak irabazi zituzten-eta. Ioritz Galarraga eta Laura Olaizola izan ziren aurrenak; Mikel Subinas eta Miren Ibarzabal bigarrenak, eta Julen Badiola eta Ihintza Iturri sailkatu ziren hirugarren postuan.