Santa Luzia eguna ez da soilik Zumarragan ospatzen. Izan ere, gaur, abenduak 13, Elosiaga auzoan festa giroa da nagusi goizetik hasita. Meza Nagusia izan dute bertako elizan 11:00etan hasita, eta hamaiketakoa egin dute segidan. 70 bat lagun elkartu dira festaz gozatzeko, eta eguerdian bazkaria egingo dute Añota sagardotegian. Gabonak bertan direla-eta, jaiotza ere jarri dute Elosiagako elizan, nahiz eta beste urtetan beranduago jarri izan duten.