Udalak antolatutako Zuk ere ahal duzu! Etorri lasterka egitera ekimena, herriko 16 urtetik gorako emakumezkoak korrika egitera bultzatzeko asmoarekin sortua, zazpigarren urtez martxan jartzekoa zen astelehenean, hilaren 14an, goizeko taldearen aurreneko saioarekin. Saio hori, baina, ez dute egingo, goizeko taldeak momentuz ez duelako lortu gutxieneko partaide kopurua. Horrenbestez, aurreikusitako bi taldeetatik bakarra, arratsaldekoa, izango da lehen saioa 15ean, asteartea, egingo duena.
Arratsaldeko talderako izen-emateak oso emaitza ona izan du: 18 emakumek hartuko dute parte arratsaldeko saioetan. Goizerako, ordea, ez da momentuz taldea osatzeko hainako kopururik lortu. Horregatik, Udaleko Kirol Sailak goizeko talderako izen-ematea hilaren 17a arte lutzatzea erabaki du. Bigarren epe horren barruan taldea martxan jartzeko behar den jenderik elkartu ezean, goizez aurreikusitako saioak ez lituzkete egingo.
Izena eman nahi dutenek udal Kirol sailaren 943150095 telefonora deitu edota kirolak@azpeitia.net e-postara idatzi behar dute, urtarrilaren 17rako.