Zapatutik astelehenera bitartean, Lincoln eta El alucinante mundo de Norman filmak izango dira ikusgai Soreasu antzokian. Guztira bost emanaldi izango dira. Horietatik bi zapatuan, hilak 26, izango dira eta Lincoln emango dute 19:30ean eta 22:15ean. Normalean zapatu iluntzeko emanaldia 22:00etan hasten bada ere, filmaren iraupena dela eta ordu laurden bat beranduago hasiko da.
Gero, igandean, zazpi urtetik gorako ikusleei zuzendutako El alucinante mundo de Norman eskainiko dute 16:30ean. 19:30ean, berriz, Lincoln ikusi ahal izango da. Astelehenean izango da azken emanaldia, eta Lincoln filma izango da ikusgai, 21:30etik aurrera.