Gaur gauean, iragarrita zegoen moduan, elurra eta kazkabarra egin du inguruko mendi, mendate eta zenbait herritan. Dena den, Azpeitia ez dago zurituta.
Goizean arazoak izan dira inguruko errepideetan, eta Urrakin, esaterako, autoek kateak behar zituzten eta kamioientzat itxita egon da. Orain, ordea, zabalik dago ibilgailu guztientzat. Hori bai, kontuz gidatzea gomendatu du Trafiko Zuzendaritzak. Azkarate garbi dago, eta Bidanian elurra egin duela-eta, arretaz gidatzea eskatu dute inguru horretan ere.