Azpeitiko Bilgune Feministak ikasturte honetarako bigarren batzar irekia deitu du otsailaren 15erako. 19:30ean hasiko da bilera irekia, Emakumeen Txokoan. Bilgunetik azaldu dutenez, martxoaren 8aren inguruko egitaraua antolatu eta udaberrian egin nahi dituzten topaketen inguruko proposamenen gainean eztabaidatu eta ekarpenak biltzeko izango da bilkura. Batzarra ordubete ingurukoa izango dela azaldu dute.