Azpeitiko umeen Izarraitz pilotalekuan jolasteko aukera izaten dute zapatu arratsaldetan, eta udalak jakinarazi du martxoaren 23ra arte zabalduko dutela frontoia herritarrentzat. Martxoaren 2an, ordea, ezingo da erabili; izan ere, Urrezko Aizkoraren finala jokatuko dute asteburu horretan, eta prestaketa lanak egin beharko dituzte.
Udalak joan den urtarrilean jarri zuen martxan zerbitzua, eta herritarrek bertara gerturatzera animatu ditu; 16:30etik 20:00etara egoten da zabalik, eta materiala zein sarrera zaintzeko pertsona bat egoten bada ere, umeek heldu batekin joan behar dute Izarraitz pilotalekura.