Gipuzkoako Eskolarteko XXVI. Mendi Lehiaketak izango dira igandean, martxoaren 10ean, Pasai-Antxon, Tolosan, Orion, Mutrikun eta Ordizian. Lagun Onak Mendi Bazkunak Oriora joateko autobusa antolatu du, eta gaztetxoentzako goiz ibilaldia egingo dute han.
Autobusa 09:00etan aterako da plazatik, eta Orion luzera desberdineko bi ibilbideren artean hautatzeko aukera izango dute bertaratzen direnek. Batetik, 8.5 kilometroko ibilbide motza (3 ordu) eta, bestetik, 11 kilometroko ibilbide luzea (4 ordu).
Izena emateko azken eguna bihar, osteguna, izango da. Lagun Onak Mendi Bazkunaren egoitzan edo mendi bazkunaren webgunean egin ahal izango da inskripzioa. Gaztetxoek bi euro ordaindu beharko dute, eta lau euro gainontzekoek.