Gaur, asteartea, hasi eta ostirala bitartean, hamalaugarren Gazte Astearen baitan hainbat ekimenez gozatzeko parada izango dute herriko gaztetxoek. Haur Hezkuntzako bosgarren mailatik Lehen Hezkuntzako seigarren maila arteko 119 gaztetxok tailerrak, irteerak eta jolasak egingo dituzte egunotan.
Txikienek bihar, suhiltzaileen etxea bisitatuko dute, etzi Txiki Parkera joango dira eta ostiralean ikuskizuna izango dute. LH 3 eta LH 6 maila bitarteko gaztetxoak, aldiz, eskalatzera joango dira bihar, eta Espeleoabentura izango dute etzi. Azken egunean, ostiralean, malabare tailerra izango dute.
Nerabeek gaur, asteartea, esaterako, zazpi taldek futbito txapelketa jokatuko dute eguerdia bitartean. Bihar, hilak 3, berriz, patata tortilla lehiaketa egingo dute, udaletxeko arkupetan, eta ostegunetik ostiralerako gaua Xoxoten igaroko dute hamahiru lagunek.