Baigera jubilatuen elkarteak hasi berria den apirilerako bi irteera aukeran jarri dizkie bere bazkideei. Batetik, Urraki-Otsobia-Santamaña mendi ibilaldia egingo dute apirilaren 13an, zapatua; bestetik, hilaren 18an, osteguna, Iratxera egunpasa joango dira.
Bi irteeretarako, apirilaren 8tik 11ra eman ahal izango dute izena erretiratuen elkarteko bazkideek, 10:30etik 12:30era, Baigeraren bulegoetan. Santamañarako mendi bueltan parte hartu nahi dutenek 8 euro ordaindu beharko dute, eta 32 euro Iratxera joan nahi dutenek. Irteera egunetan, Astotegitik aterako dira bietan: 09:00etan Santamañara joaterakoan eta 08:30ean Iratxerakoan.