Hirukide Euskadiko Familia Ugarien Elkartea Azpeitian izango da ostegunean, hilaren 18an, egiten duten "lana ezagutzera emateko asmoz". Sindikatu Zaharrean izango da aurkezpena, 18:30ean hasita. Hirukidek Donostiatik kanpo emango duen aurreneko hitzaldia izango da Azpeitikoa, eta herriko familia ugarien beharrak-eta ezagututakoan herriko merkatariekin elkartzeko asmoa dute, "familia ugariei laguntzak emateko".
Natalia Diez-Caballero Hirukideko zuzendariak jakinarazi duenez, "aurten, 2013an, erabaki dugu herri desberdinak bisitatzea, familia ugariak eta horien beharrak bertatik bertara ezagutzeko, eta guk egiten dugunaren berri emateko".