Euskal Herriko Ahotsak proiektuan jasotako testigantzen artean gerrarekin zerikusia duten interesgarrienak bildu eta webgune berri honetara ekarri ditugu. Hainbat herritako kontuak aurki ditzakegu eta tartean Azpeitiko zenbait lekuko. 1928an jaiotako Juliana Olaizolak, adibidez, fusilamenduen inguruan hitz egiten du bideo honetan:
Historia liburuetako kontakizunak ezagutzen ditugu, baina ba al dakigu nola bizi izan zuten biktimek eta lekukoek guda eta gudaostea? Gerrako Ahotsak izeneko webgunean jasotako testigantzek Gerra Zibilaren beste ikuspegi bat ematen digute, gertukoa eta zuzenekoa.
