Atzo, igandea, izan zen IX. Izarraizko Mendi Lasterketa, Azkoitian. 20 kilometroko proba izan zen, eta 87 lagunek bukatu zuten lasterketa. Enekoitz Aizpuru azpeitiarra bigarren sailkatu zen (02:02:08). Haren aurretik, lehen postuan, Tolosako Abderrahim El Qayed helmugaratu zen (02:00:19). Sailkapeneko hirugarren gizonezkoa, berriz, Ekaitz Azkoaga Debarra izan zen. Emakumeetan ez zen azpeitiar parte hartzailerik izan, eta podiuma Maider Callejak (02:28:59), Jone Urkizuk (02:37:49) eta Maider Frailek (02:39:07) osatu zuten.
Enekoitz Aizpururen atzetik, bigarren azpeitiarra, eta sailkapen orokorrean laugarrena, Iñaki Korta (02:04:08) izan zen. Hirugarrena, berriz, Xabier Korta (02:07:38).