Ezkutuko altxorrak ekimenaren barruan Bakardadearen kapera eta Sebastian Donearen Eliza Nagusia ikusteko aukera izango da zapatuan, 25, 17:00etan hasita. Igandean, berriz, Anaia Garateren jaiotetxera eta Loiolako Santutegira egingo dute bisita, 12:00etatik aurrera.
Bisiten prezioa bi eurokoa da, eta ostirala baino lehen eman behar da izena, 943 15 18 78 edo 943 85 11 00 zenbakira deituta, ala info@tierraignaciana.com helbidera idatzita.
Uztarriak aldizkariaren ekaineko zenbakian Bakardadeko kaperaren inguruko argazki-erreportajea argitaratuko du, Klik atalean.