Juan Antxieta Musika Eskolako ikasleek emanaldia eskainiko dute gaur, osteguna, 19:00etan hasita, musika eskolan, eta musika tresna desberdinak entzuteko aukera izango da bertan. Besteak beste, piano, akordeoi, bonbardino, gitarra, klarinete eta saxofoi ikasleek hartuko dute parte.
Datorren ikasturterako matrikulazioa
Bestalde, datorren ikasturterako matrikulazio epea zabalduko dute musika eskolan hilaren 23an, ostegunean, eta ekainaren 12a bitartean eman ahal izango da izena. Astelehenetik ostiralera, 10:30etik 12:30era eta 17:30etik 19:30era egongo da zabalik musika eskolako bulegoa.
---
Juan Antxieta Musika Eskola. Sorrera: 1983. / 943 81 27 54 / Musikako lehen eskolak Karmelo Etxegarai ikastetxean Sanjuandegin zituen lokaletan eman zituzten eta gero Oktogonoan. Lehen 25 urteetan Musika Eskolatik hiru mila ikasle inguru pasatu ziren. Ekitaldi nagusiak: Santa Zizili eta ikasturte bukaerako jaialdiak. / Informazio gehiago: azpeitikokulturmahaia.com/taldeak