Atzo, igandea, jokatu zen Izarraitz frontoian Azpeitiko XIV. Erremonte Txapelketa. Markagailuan alde txikiarekin erabaki ziren lehen jardunaldiko bi partidak. Horrela, A taldean, Matxin III.ak eta Labakak 40-37 irabazi zieten Etxeberria IV.a eta Larrañagari; eta Segurola eta Ion, berriz, 40 eta 34 gailendu zitzaizkien Etxabe II.ari eta Aizpuru III.ari, B taldean.
Estreinako jardunaldiaren emaitzak ezagututa, datorren igandean (ekainak 2) jokatuko diren bi neurketak ere zehaztuta gelditu dira: A taldean, Matxin VI.a-Zubizarretak Etxeberria IV.a-Larrañagaren kontra jokatuko dute, eta B taldean Otaegi-Agirrezabala Etxabe II.a-Aizpuru III.aren kontra ariko dira.