Atracciones Sanz taldeko Oier Ibarguren azpeitiar txirrindularia Gipuzkoako txapeldun izendatu dute asteburuan, Lazkaon LVII Esparru proba irabazi ostean. Ibarguren denboraldi honetako kadete mailako sailkapenean aurrena da, eta Lazkaoko lasterketan ere lehenengo postuan helmugaratu zen, Iker Imaz (Inoxcra-Beasain), Aitor Zurdo (Limousin) eta Aitzol Odriozola (Atracciones Sanz) txirrindulariekin sprintean nor baino nor ibili ostean. Pelotoia, berriz, lau segundura iritsi zen helmugara, eta guztira 73 txirrindularik bukatu zuten proba.