Nerea Etxeberriak Euskadiko txapela irabazi du triatloian, ironman erdiko distantzian. Zapatuan, uztailaren 6an, jokatu zen txapelketa Garain (Bizkaia) eta Euskoman Triatloi Taldean ari den azpeitiarrak 5:29:38 behar izan zituen igerian bi kilometro, bizikletan 90 eta korrika 21 osatzeko.
Etxeberriak hamar minutu pasako aldea atera zion bigarren sailkatu zen Arantzazu Perez Arenazari (5:39:49); Veronica Dominguezek (5:46:19) osatu zuen emazkumezkoen podiuma. Gizonezkoetan, berriz, Javier Miguelek jantzi zuen txapela.