Hondartza ala igerilekua? Uda sasoian sarri gertatzen zaie askori aukeratu beharra. Eta, ibaia? Azpeitian, herri kaskoari eta Urolari dagokionez, ibaiarena ez da aukerarik ohikoena, ez behintzat aspaldi-aspaldiko urteetan. Argazkiotako gazteek, ordea, freskatua Urolako uretan hartzea erabaki dute gaur, asteartea. Urrutira joan gabe, estaziorako zubiaren ondoan, topatu dute igerileku partikularra.