Lagun Onak Mendi Bazkunak gaztetxoentzat Urdaibaira irteera antolatu du uztailaren 21erako, igandea. Bihar, osteguna, izango da izena emateko azken eguna. Izena mendizaleen tabernan edo Lagun Onak MB-ren webgunean eman daiteke. Bazkide direnek 4 euro ordaindu beharko dute, eta bazkide ez direnek 6 euro. Piraguan ibiltzeko 8 euro gehiago ordaindu beharko dituzte, bai helduek eta baita gaztetxoek ere.
Gaztetxoak 09:00etan abiatuko dira Azpeitiko plazatik. Autobusez Urdaibaira joango dira, eta bertan San Pedro Atxarreko baselizara egingo dute ibilaldia. Bazkaldu ondoren, 14:00ak edo 15:00ak inguruan, piraguatan ordubeteko saioa egiteko aukera izango dute. Azpeitira itzultzeko autobusa 17:00etan hartuko dute.