Burdinbidearen Euskal Museoko lurrun trenak bidaiari ugari izan du udan. Uztailean eta abuztuak iaz baino %38 bidaiari gehiago izan ditu trenak. Eusko Treneko zuzendari Iñigo Palominok azaldu duenez, lurrun trenak martxan jarraituko du iraileko eta urriko asteburu eta jai egunetan. Azaro hasieran, Santu Guztien Egunean, eta asteburu horretan ere ohiko ibilbidea (Azpeitia eta Lasao artean) egingo du lurrun trenak.
Zapatuetan 12:30ean eta 18:00etan aterako da trena museotik. Igandeetan eta jai egunetan, berriz, 12:30ean abiatuko da. Horrez gain, enpresek, gizarte taldeek edo norbanakoek lurrun trena alokatzeko aukera izango dute astelehenetan izan ezik, gainontzeko asteko egun guztietan.
Joan den martxoaren 28an jarri zuten lurrun trenaren denboraldia martxan.