Azpeitiko Gazteria Sailak bideratzen duen ludoteka zerbitzua ezagutzeko ate irekiak egingo dituzte bihar, osteguna, Iturritxiki eta Txiki Txoko ludoteketan. Goizez 10:00etatik 12:00etara, eta arratsaldez 16:00etatik 18:00etara izango da bertaratzeko aukera. Ludoteka zerbitzua 5 eta 12 urte bitarteko haurrei dago zuzenduta, eta ate irekien eguna adin tarte horretako haurren gurasoentzako da.