Datorren urriaren 5ean, zapatua, Bailarako Jubilatuen Eguna ospatuko dute Azpeitian. Azpeitiko, Azkoitiko eta Zestoako erretiratuen elkarteak batzen dituen Garatzen Jubilatuen Elkarteak antolatutako jardunaldiak hainbat ekitaldi izango ditu goizetik arratsaldera; tartean, 14:30ean hasita Berdura plazan egingo den bazkaria.
Bazkari horretarako txartelak dagoeneko salgai jarri ditu Baigera herriko jubilatuen elkarteak. Hain zuzen ere, bazkarian parte hartzeko asmoa duten azpeitiar jubilatuek irailaren 26a arteko epea dute izena emateko. Baigera I-eko bulegoetan eros ditzakete txartelak, 10:30etik 12:00etara, 18 euroren truke.