Azpeitiko jubilatuei zuzenduta hainbat ikastaro eta jarduera antolatu ditu ikasturte berrirako ere Baigera elkarteak. Gimnasia, yoga, dantza, kakorratz-lan edo gantxiloa, joskintza eta pintura lantzeko aukera izango dute herriko erretiratuek.
Jarduera horiek urrian jarriko dituzte abian, eta izena emateko epea irekita dagoela gogorarazi du Baigerak. Horrela, parte hartzeko interesa dutenek Baigera I-eko bulegoan eman behar dute izena; astelehenetik ostegunera, 10:30etik 12:30era egin dezakete.
Ikastaroak, berriz, aurreko ikasturteko egun eta ordutegi berdinetan emango dituzte, urritik aurrera.