Azpeitiko Udalbatzak osoko bilkura egingo du gaur, asteartea, 19:30ean hasita, udaletxeko areto nagusian. Besteak beste, Juana Jauregi Bilduko zinegotziak kargua utziko du, eta Azpeitia 2025 Plan Estrategikoaz zein Uztarria Komunikazio Taldearen eta Urola Kostako Hitzaren diru-laguntzak arautzeko hitzarmenaz eztabaidatuko dute.
Honakoak dira gaurko plenoan landuko dituzte gaiak:
1.- 2013ko uztailaren 2an egindako bilkurako akta onartzea.
2.- Juana Jauregi Cendoya zinegotziaren errenuntzia onartzea.
3.- Azpeitia 2025 Plan Estrategikoa onartzea.
4.- 2013ko aurrekontuan laugarren kreditu aldaketa onartzea.
5.- Azpeitiko herrirako zarata mapa egingo dela jakinaraztea.
6.- Kultur arloko diru-laguntzen oinarri arautzaileak onartzea.
7.- Festa arloko diru-laguntzen oinarri arautzaileak onartzea.
8.- Euskara suspertzeko honako dirulaguntzak arautzeko hitzarmenak:
- Urola Kostako Hitza.
- Uztarria Komunikazio Taldea.
9.- Gizarte-bazterkeriako eta behar larriko egoerei aurre egiteko norbanakoei eta familiei emango zaizkien udal laguntzak: hezkuntza alorreko laguntzak emateko irizpideak finkatzea.
10.- 2014.urterako langileen jaiegunen egutegian Azpeitiko jai egunen berri ematea.
11.- 2013ko urtarrilean, otsailean eta martxoan emandako ebazpenen berri ematea.
12.- Galdera eta erreguak.
Eneko Ibarguren Kurku-ren atxiloketaren harira, Udalbatzarrean mozioa aurkeztuko dutela aurreratu zuten atzo arratsaldean, manifestazioaren aurretik. Udalak atzo, astelehena, argitaratu zuen gaurko ohiko Udalbatzarreko gai zerrenda, eta mozioa ez da agertzen gai-ordenean atzo aurkeztu gabe zegoelako.