Nuarbeko Ibai Eder urtegiko egurrezko zubi ingurua itxita egongo da urria amaiera arte, Udala bertan egiten ari den lanak direla eta. 2010ean lur-jauzia izan zen zubiaren inguruan, eta segurtasuna emateko eta erorketa gehiago ez izateko, iazko neguan piloteak sartu ziren. Orain, aldiz, eskoilera edo harri-lubeta jartzen ari dira pareta are eta gehiago ziurtatzeko. Lan horiek ezin izan dira lehenago egin, urtegiko uraren mailagatik.