Atzo, osteguna, zabaldu zituen ateak 2013ko Garagardo azokak eta Jesus Ruiz de Argandoña 'Keuttin'-i omenaldi beroa egin zioten Iraurgi Saskibaloi Taldekoek. Garagardo eta jaki goxoez disfrutatzeko aukera egongo da bihar, zapatua, bitartean eta baita hurrengo asteko ostiral eta larunbatean ere. Gaur, 20:00etan hasita, Iraurgik aurtengo denboraldirako dituen talde guztien aurkezpena egingo da Berdura plazan bertan. Gero, Down Town Triok kontzertua eskainiko du.