Iraurgi Saskibaloi Elkartearen neskentzako teknifikazioko saioak hasiko dira asteburuan. Igandean izango dira saioak, hain zuzen. 2002an jaiotako Azpeitiko zein Azkoitiko neskek zein 2004an jaiotako azpeitiarrek, 10:00etan izango dute entrenamendua, Azpeitiko kiroldegian. 11:30ean 2003an jaiotako azpeitiarren nahiz azkoitiarren eta 2005ean jaiotako azpeitiarren saioa hasiko da.
2004an jaiotako azkoitiarrek Azkoitiko kiroldegian izango dute saioa, 10:00etatik aurrera. Gero, 11:30ean, 2005ean jaiotako azkoitiarren txanda izango da herrian bertan.