Prestakuntza Fondoa Fundazioak zerbitzuak eskainiko ditu berriz ere Azpeitian, Lanbiderekin elkarlanean. Horrenbestez, aurrerantzean lanaren edo formazioaren inguruko aholkularitza eskainiko dute Lanbideren egoitzan, eta Curriculumak egiteko, lan-elkarrizketa prestatzeko edota lana bilatzeko Interneteko atarietan izena emateko laguntza eskainiko dute bertan.
Interesa dutenek Damaso Azkue auzuneko laugarren zenbakira joan beharko dute, astelehenetik ostegunera 09:00etatik 13:00etara eta 15:00etatik 17:30era, edo ostiraletan 08:00etatik 14:00etara bitartean. Hitzordua aurrez ere eskatu daiteke 943 81 03 84 zenbakira deituta. Zerbitzu hau Lanbidek eta Europako Gizarte Fondoak finantzatua da.