Duela hogei urte Bizkaiko labe garaietako langileek egin zuten Madrilerainoko Burdinaren Martxaren nondik norakoak azalduko dituzte gaur, astelehena, Baigeran izango den hitzaldian. 19:30ean hasiko da Elkar-ekinek antolatutako solasaldia eta Rafa Cantera eta Joseba Marina arituko dira hizketan, biak ala biak martxan parte hartu zuten langileak. Hitzaldia gazteleraz izango da.
Bestalde, Burdinaren Martxaren inguruko argazki erakusketa ere jarri dute Sanagustin kulturgunean, eta urriaren 24a bitartean egongo da ikusgai.