Azpeitiko Udal Liburutegiak lau eta hamar urte bitarteko haurrentzako ipuin kontaketa saioak antolatu ditu datozen asteetarako. Liburutegian bertan izango dira gaur hasi eta abenduaren 16a bitartean, "haur eta gaztetxoen liburu zaletasuna suspertu asmoz". Lehen saioa gaur, astelehena, izango da, 18:00etatik aurrera. Haur Hezkuntza 4. mailako ikasleentzako, 2009an jaiotakoentzako, da emanaldia, eta Mikel Aiertza ariko da ipuin kontalari.