Zapatuan jokatu zen Euskal Herriko Dantza Txapelketaren 37. edizioa, eta Jon Ibarguren azpeitiarrak eta Idoia Besada pasaiarrak ezin izan zioten Nestor azken bi urteetan irabazitako txapelari eta Nestor Basterretxea eskultorearen oroigarriari eutsi.
Bederatzi bikotek hartu zuten parte txapelketan, eta Santurtziko Lander Camposek eta Leioako Haizea Ormaetxeak irabazi zuen txapelketa, 122 puntu batuta. Puntu gutxiren aldearekin, bigarren, izan ziren Jon Ibarguren eta Idoia Besada (119,5 puntu). Hirugarren bikotea, berriz, Iker Sanz lezotarrak eta Lierni Kamio billabonarrak osatutakoa izan zen. Irabazlearen txapelik ez, baina jantzirik ederrenen saria Ibargurenek eta Besadak lortu zuten.
Ibarguren eta Besadaz gain, bi azpeitiar bikotek hartu zuten parte txapelketan: Amets Amubieta eta Maialen Aldalur eta Asier Ibarguren eta Garazi Gurrutxaga. Sailkapeneko laugarren eta bosgarren postuetan sailkatu ziren, hurrenez hurren.
Dantza Suelto Eskola. Sorrera: 1995. / Luis Alberdi hasi zen euskal dantzak irakasten Azpeitian. Urtero ehunen bat ikasle izaten ditu eskolak. Txapelketatan lorpen esanguratsuak izaten dituzte. / Informazio gehiago: azpeitikokulturmahaia.com/taldeak