Herriko Gaztelekua eta Iturritxiki eta Txiki Txoko ludotekak kudeatzen dituen Jauzika Heziketa Elkarteak ere bat egin du Azoka Herritik-en baitan abenduaren 20, 27 eta 28rako Elkar-ekinek antolatu duen Haurrentzako Elkartasun Azokarekin.
Horrela, Gaztelekuan ere azoka horretarako materiala biltzeko aukera izango da datozen egunetan: abenduaren 16, 17 eta 18an, goizez 09:30etik 11:30era.
Horrez gain, datorren asterako ekimen bereziak ere antolatu dituzte herriko bi ludoteketan. Asteartean, hilak 17, azokarako mural margoketa eta ipuin kontaketa egingo dituzte ludoteketako erabiltzaileekin, 17:30etik 19:30era. Eta asteazkenean berriz, hilak 18, askaria, astearteko ordu tarte berdinean.