Amets Arzallus Azpeitian izango da gaur, abenduak 7, Aho Bizarrik Gabe solasaldi zikloaren gonbidatu gisa. Estitxu Elduaien kazetariarekin solasean ariko da bertsolari txapelduna.
Sanagustinera joaterik ez dutenek ere solasaldia zuzenean jarraitzeko aukera izango dute, Internetez. Uztarriak eta Sanagustin kulturguneak #ABG_Arzallus traola erabiliko dute solasaldiaren jarraipena egiteko. www.sanagustinkulturgunea.com-en, berriz, saioa zuzenean emango dute, streaming bidez.