Xakea sustatzeko helburuarekin, talde berri bat eratu da Azpeitian, eta jokoaren inguruko argibideak eta ikastaroak emateaz gain, etorkizuneko xake txapelketetan parte hartzeko jendea trebatu nahi dute.
Hori dela-eta, bihar, osteguna, 17:30etik aurrera, Sindikatu Zaharreko 3. solairuan hasiko du ibilbidea Eraso Xake Taldeak. Xakeaz ikasi eta gozatu nahi duten guztientzat irekia dela adierazi dute.