Datorren astean auzo konposta eta auto konposta egiteko ikastaroak eskainiko ditu Urola Erdiko Mankomunitateak. Asteartean, 18:30ean Betharrametako aretoan izango da saioa. Konposta etxean nahiz auzo konposta guneetan egin nahi dutenak azal daitezke ikastaroetara. Soreasu, Damaso, Enparan, Garmendipe, Barrenetxea, Urbitarte eta Urrestilla (Zerralde, Errota, Barrena) dira gaur egun martxan dauden guneak. Aurrerago gune berriak eraikiko dituzte eta, eraiki ahala, ikastaro berriak antolatuko dituzte.
Auzo konposta Nuarben
Nuarben auzo konposta jarriko dute martxan eta, mankomunitateak azaldu duenez, bertan sortzen den organiko guztia hondakinen zirkuitotik ateratzea da asmoa. Auzotarrei, beraz, dei egin die udalak datorren larunbatean, hilak 15, 11:00etan Nuarbeko sokatira elkartean egingo den bilerara agertzeko eta auzo konposta proiektuan parte hartzeko.