Azken orduko kontua da, eta pena hartu arren, horrela izan beharko du. Gaurko Kantu Jiran Hebentik Kultur Elkarteko laupabost lagun izatekoak ziren, baina baten osasun arazoengatik ezin izango dute etorri. Hala ere, aurrera egin eta Kantu Jira egongo da. Baigera Elkarteko eta Julian Barrenetxea Abesbatzako lagunekin ibiliko gara kantuan, Alde Zaharrean. 19:00etan hasiko da.
Iluntzean, 23:00etan, Azpeitiko Sendaezinak taldeak emango dio hasiera kontzertu eskaintzari. Eta ondoren, Baionako Joxe Replay talde martxosoa entzuteko aukera izango dugu, Joxe Ripiau talde ezagunaren doinuetan mugitzen dena. Sarrera doan izango du eta Sanagustin kulturgunean izango da.
Atzokoa, berezia
Xora filma ikusteko aukera izan genuen atzo iluntzean, Soreasu Antzokian. Hebentik Kultur Elkartekoek eginiko luzemetraia da, Zubereraz egindako lehena eta bakarra. Urre bitxi bat. Istorio beltza kontatzen zuen, drama apur bat, erotasun ukituak... amaiera iraultzaile batekin. Sormena lantzen zuen filma ikusi genuen, nola bestela Hebentik Kultr Elkartekoek egina izanik.